女人食飯、睇戲、上網買野，都一定會先上Open Rice同連登睇正評/負評，揀激光脫毛都一樣，為左唔好俾人呃，上網搵評論是常識吧，網上好多人鍾意比較 dermes vs medilase，都係因為兩間都專做激光脫毛，級數差唔多，算係比較專業同可靠，但其實坊間都有啲差唔多級數，但價錢平好多既脫毛公司！
不過上網搵脫毛公司好多都係搵到 dermes同medilase既資料，仲有一大堆某某脫毛公司黑店、呃錢之類既內容
要係芸芸之中搵到價錢合理又冇咁多負評既脫毛公司真係好難好難，幾經辛苦
終於搵到信譽唔差同價錢合理既脫毛公司，而呢間脫毛公司正正就係去邊都就腳既旺角，Yanis Beauty唔知有冇朋友聽過，甚至去過，不過都唔緊要，我幫大家以身試伏，睇下到底係中伏定係預期中好，而dermes、medilase既資料相信大家隨便上網搵都會搵到，而且都好多評論，不過都會同大家比較下，我地嘗試比較下三間既分別:
Dermes : 在dermes Facebook 專頁網上評價都多，有讚有彈，正評內容都比較簡短，亦有好多純粹TAG 朋友，間中出現負評時，就會有不少投訴客一齊回應，主要投訴服務，好似難booking、轉治療師、無人理等。不過見有人投訴負評會被 delete，必須留意。
Medilase：Medilase facebook 專頁內容講得比較仔細，有一些還會點名多謝個別員工，留言連接到官方網頁話係即時更新，好同唔好都比人睇晒，留意左幾天的留言更新, 未發現有負評和 delete 留言情況出現。
YanisBeauty : 上網搵到既評價都比較少，而搵到既留言比例差唔多，大約一半好一半差，而Facebook專頁見到每日都有更新，但留言唔算多，唯一抽獎既Post就會比較多人留言同見到有人留言話中獎
但因為我本人三間都會去嘗試下，不過就會由價錢比較平既開始先，所以今次上左去YanisBeauty，上佢地專頁睇返有標明係用GentleLase Pro755nm，見到呢個都相信會增加左唔少既信心，不過就真係要上到去先知係唔係同專頁講既一樣！
我自己就係佢地個Facebook約左脫全手手毛，價錢都係$1000左右就落到樓，小試牛刀下都OK，而日子就選左平日，咁就應該就唔會咁多人，我約左下午兩點上去，其實上到去都見到有唔少人等緊，比我心目中多客，因為見到Facebook冇dermes 同 medilase咁多人留言就會覺得應該都唔會好多客，但上到去見到佢地都坐左約有7成滿，而且搭𨋢上去都見到佢地應該有三層既單位，所以規模應該都唔算細，不過有一樣野唔係咁好，因為book左兩點，但連埋治療師講解脫毛須知都等左20分鐘先有得入房做，不過以依個價位黎講就真係無咩好投訴既，之後入到房就梗係即刻留意左佢地用咩機，的確同網上講既一樣用GentleLase Pro755nm，見到都有鐳射貼紙仲有寫保養日期，應該都唔會係假既
入到房治療師叫我換衫先，佢地都有提供浴袍方便客人更換，浴袍都有少少香味，都確定到佢地係有洗既，因為之前去過啲美容院，佢地提供既浴袍拎上手已經有陣 ''up''味，搞到我著都唔敢著…. 所以比較上之前既感覺會乾淨好多，同埋床都見到有即棄床紙，衛生程度尚算幾好
終於去到脫毛環節，其他都係配套，脫毛先係重點，見到治療師會用一次性手套，始終都係要接觸客人皮膚，我約左係脫全手手毛，成個過程大約20分鐘左右，唔算慢，而且都脫得尚算乾淨，係上手臂有少少冇脫到，不過都只係好小既影響，整體上都脫到8-9成，因為佢地係永久保養，所以都需要再上去脫多3-5次，因為激光脫毛需要脫幾次先可以做到永久既效果，視乎每個人既膚質同進度。因為之前都有去過其他脫毛公司，入房之後治療師會一直sale不斷要你加plan，雖然可以拒絕，但成個脫毛過程都會覺得好煩而且會反感，但呢到都會sale，呢方面係理解既，只要唔太過份都接受到，佢地都有sale我買唔買其他plan，例如有咩優惠，聽完我都係答佢我再考慮下先，之後佢地都冇再sale過，而係普通傾下計，過程中都比較舒服冇咁壓迫感重
所以經歷過第一次脫毛之後 我評分都有8/10，對比返佢同medilase都係用同一部機，但價錢又真係平好多倍，效果算係合格以上既，唯一可以改善下既就係等既問題，始終約左果個時間都想可以預期中進行，以免浪費太多時間去等！因為永久保養所以都會再上去幾次，之後就會再去其他脫毛公司再做比較，希望大家可以得到一個親身試驗既比較，唔想咁多人白白俾人呃錢或者有唔愉快既經歷
#全身脫毛 #脫毛 #脫毛 #激光脫毛 #脫毛療程 #脫毛邊間好 #脫毛推薦 #YanisBeauty #medilase #dermes #GentleLasePro755nm #脫毛網上比拼大格鬥